Knattspyrnuhátíð stúlkna á Akureyri
Sunnudaginn 18. janúar næstkomandi milli kl. 13:00 og 16:00 fer fram Knattspyrnuhátíð stúlkna í Boganum á Akureyri, en það eru KA og Þór sem standa í sameiningu fyrir hátíðinni. Helena Ólafsdóttir, þjálfari A-landsliðs kvenna, og Íris Andrésdóttir, fyrirliði VISA-bikarmeistara Vals og landsliðskona, verða gestir á hátíðinni og Helena mun að auki stjórna æfingu hjá sérstökum úrvalshópi stúlkna. Boðið verður upp á knattþrautir og dreift verður veggspjöldum með mynd af A-landsliði kvenna til stúlkna á grunnskólaaldri.
.jpg?proc=760)
