lau. 04. mar. 2006
Fræðsla

Fyrstu UEFA A þjálfararnir útskrifaðir

Að útskrift lokinni — utskrift-uefa1-JOI_8819net

Síðastliðið föstudagskvöld útskrifuðust 22 þjálfarar með UEFA A þjálfaragráðu í menntunar kerfi KSÍ.

UEFA A gráða er hæsta þjálfaragráða sem er í boði á Íslandi og næst hæsta þjálfaragráða sem UEFA viðurkennir.

Þeir 22 þjálfarar sem útskrifuðust eru þeir fyrstu sem lokið hafa þessu námi hjá KSÍ og var efnt til útskriftarveislu í Víkinni, félagsheimili Víkings, af því tilefni.

Heimir Hallgrímsson dúxaði á UEFA A

Heimir Hallgrímsson úr Vestmannaeyjum fékk sérstök verðlaun fyrir bestan námsárangur á UEFA A prófi.

Á myndinni hér til hliðar stendur Heimir á milli Geirs Þorsteinssonar framkvæmdastjóra KSÍ og Ingibjargar Hinriksdóttur formanns fræðslunefndar KSÍ.

Athyglisvert er að fjórir UEFA A þjálfarar starfa hjá Grindavík - þeir Sigurður Jónsson, Magni F. Magnússon, Milan Stefán Jankovic og Jón Ólafur Daníelsson.

Þjálfarar með UEFA A gráðu hafa leyfi til að þjálfa alla flokka og í öllum deildum á Íslandi. Jafnframt er þjálfaragráðan viðurkennd í 48 af 52 löndum sem eiga aðild að UEFA.

Hæsta þjálfaragráða UEFA er svo UEFA Pro þjálfaragráða, en KSÍ stefnir á að bjóða upp á UEFA Pro þjálfaragráðu í samvinnu við enska knattspyrnusambandið innan fárra ára.

Að útskrift lokinni