KSÍ VI þjálfaranámskeiðið verður haldið 20-27. október
KSÍ heldur VI. stigs þjálfaranámskeið í Lilleshall, Englandi dagana 20-27. október 2006. Reiknað er með að fleiri þjálfarar sæki um námskeiðið en hægt er að taka inn. Umsækjendur þurfa því að fylla út umsóknareyðublað.
Í viðhengi er umsókn að KSÍ VI þjálfaranámskeiðinu sem fer fram í Lilleshall, Englandi 20-27.október næstkomandi.
KSÍ vekur athygli á því að síðasti dagur til að skila inn umsókninni er 1.ágúst næstkomandi, en auðvitað má skila umsóknum fyrr.
Síðast kostaði KSÍ VI námskeiðið 120.000 krónur. Það er líklegt að kostnaður námskeiðsins hækki eitthvað vegna hækkandi gengis og síðast var rukkað of lítið, en kostnaðurinn verður þó vonandi ekki meiri en 150.000 krónur á mann. Þegar nákvæmara verð liggur fyrir, verður það gefið út.
Hægt verður að skipta greiðslunni eitthvað niður eftir nánara samkomulagi við Pálma Jónsson fjármálastjóra KSÍ.
Fræðslunefnd KSÍ stefnir á að taka inn 20-25 þjálfara á námskeiðið, eftir fjölda og hæfni umsækjenda.
Á námskeiðinu er 100% mætingarskylda og það er bæði bóklegt og verklegt. Þátttakendur þurfa að taka þátt í verklegum tímum.
Innifalið í heildarkostnaði námskeiðsins er eftirfarandi:
- Flug báðar leiðir (30.000 - 35.000 krónur),
- Rútuferð til Keflavíkur og tilbaka
- Fullt fæði og gisting í Lilleshall (3 matartímar- hlaðborð og 2 kaffitímar á dag) (50.000-55.000 krónur)
- Miði á völlinn á leik í ensku úrvalsdeildinni
- Allar rútuferðir í Englandi
- Íþróttafatnaður (að verðmæti 10.000-15.000 krónur)
- Allt námsefni og annar kostnaður
- Námskeiðsgjald
Það er líklegt að einn eða tvo daga á námskeiðinu verði ekki borðað á Lilleshall, og þá er matarkostnaður þá daga ekki innifalinn (farið út að borða).
KSÍ VI þjálfaranámskeiðið er hluti af UEFA A þjálfaragráðu. Flesta dagana verður námskeiðið haldið í Lilleshall. 1 degi verður varið til heimsóknar í klúbb í ensku úrvalsdeildinni þar sem skoðuð verður knattspyrnuakademía. 1 degi verður varið í leikgreiningu á leik í ensku úrvalsdeildinni.
Á námskeiðinu kenna kennarar frá KSÍ og erlendir fyrirlesarar, væntanlega frá enska knattspyrnusambandinu. Hluti námskeiðsins fer fram á ensku.
Skriflegt próf verður haldið 2-3 vikum eftir KSÍ VI námskeiðið. Prófað verður úr námsefni KSÍ V og VI.
Nánari upplýsingar um Lilleshall má sjá á www.lilleshall.co.uk
Nánari dagskrá á námskeiðinu verður gefin út seinni part sumars.
Allar nánari upplýsingar um námskeiðið veitir Sigurður Ragnar Eyjólfsson (siggi@ksi.is) fræðslustjóri KSÍ.
.JPG?proc=760)
.jpg?proc=760)
