Dagsetning KSÍ VI þjálfaranámskeiðs á Englandi breytist
KSÍ VI þjálfaranámskeiðið fer fram vikuna 29. október - 5. nóvember á Englandi. Umsóknarfrestur fyrir þátttakendur námskeiðsins rennur út 1. ágúst, en umsækjendur þurfa að hafa lokið við V. stig KSÍ í þjálfaramenntun.
KSÍ VI þjálfaranámskeiðið verður haldið á Lilleshall í Englandi, en stefnt er á að leikgreina leik Manchester City og Middlesborough á námskeiðinu. Jafnframt er KSÍ að athuga með miða á leik Liverpool og Reading. Á námskeiðinu verður skoðuð knattspyrnuakademía hjá ensku úrvalsdeildarfélagi.
Á námskeiðinu verða hæfir fyrirlesarar frá KSÍ og enska knattspyrnusambandinu. Heildarverð liggur ekki fyrir, en mun vera á bilinu 120.000 - 150.000 krónur, en hægt er að semja um greiðslur við Pálma fjármálastjóra KSÍ.
KSÍ vekur athygli á því að umsóknarfrestur fyrir námskeiðið rennur út 1.ágúst næstkomandi.
Fræðslunefnd KSÍ velur úr umsóknum þjálfara. Stefnt er á að hleypa 20-25 þjálfurum á námskeiðið.
Umsóknareyðublaðið má nálgast hér.
Nánari upplýsingar veitir Sigurður Ragnar Eyjólfsson fræðslustjóri KSÍ (siggi@ksi.is)
.jpg?proc=760)
