ÍF fær viðurkenningu fyrir grasrótarstarf
KSÍ og UEFA veittu Íþróttasambandi fatlaðra (ÍF) viðurkenningu í dag fyrir besta grasrótarviðburðinn í knattspyrnu fyrir fatlaða (Best disabled football event).
Viðurkenningin er fyrir vel skipulagða og árangursríka Íslandsleika Special Olympics, sem haldnir eru að jafnaði tvisvar á ári, en verið hefur gott samstarf milli KSÍ og ÍF varðandi viðburðinn. Til stendur að auka ennfremur samstarf á milli sambandanna til þess að auka enn frekar áhuga félagsmanna Íþróttasambands fatlaðra á knattspyrnu.
KSÍ hefur þegar afhent ÍF 50 knetti merkta UEFA sem eflaust munu koma að góðum notum í öflugu starfi ÍF.
Frá vinstri: Halldór Örn Þorsteinsson starfsmaður mótadeildar KSÍ, Geir Þorsteinsson framkvæmdastjóri KSÍ, Sveinn Áki Lúðvíksson forseti Special Olympics á Islandi og Anna Karólína Vilhjálmsdóttir framkvæmdastjóri Special Olympics á Íslandi,
.JPG?proc=760)
.jpg?proc=760)
