Útspark til Gambíu
Rauði kross Íslands, í samstarfi við KSÍ og fleiri aðila, stendur fyrir söfnun á afgangs fótboltabúnaði, s.s. boltum, skóm og búningum. Búnaðurinn verður síðan sendur til Gambíu í Afríku.
Tekið verður á móti söfnunarmunum við Eimskipsgáma sem staðsettir verða við verslanir Bónus við Skútuvog, Smáratorg, Helluhraun og Spöngina á eftirfarandi tímum:
- Föstudaginn 1. júní kl. 12:00 - 19:30
- Laugardaginn 2. júní kl. 12:00 - 19:30
Jafnframt verður móttaka í Laugardal í tengslum við landsleik Íslands og Liechtenstein í undankeppni EM 2008 laugardaginn 2. júní.
Sem fyrr segir er verkefnið á vegum Rauða kross Íslands, og er unnið í samstarfi við KSÍ, Eimskip, Bylgjuna FM 98,9, Landsbankann og Bónus.
.jpg?proc=760)
