A kvenna mætir Serbíu á Kópavogsvelli á þriðjudag
A landslið kvenna mætir Serbíu í seinni umspilsleik liðanna á Kópavogsvelli á þriðjudag klukkan 14:30.
Fyrri leikurinn, sem fór fram í Serbíu, endaði með 1-1 jafntefli. Endi leikurinn á Kópavogsvelli með jafntefli, verður gripið til framlengingar og vítaspyrnukeppni ef svo ber undir.
Það lið sem vinnur sigur í leiknum mun leika í A-deild í undankeppni EM 2025 en liðið sem tapar mun leika í B-deild.
Miðasala er á Tix.is en einnig verður hægt að horfa á leikinn í beinni útsendingu á RÚV.
